កាប់ឈើ ដឹកឈើលេខ១ ចេញពីព្រៃសិន ទើបឧកញ៉ាស្ថាបនាទំនប់វារីអគ្គិសនីជួរភ្នំក្រវាញ ក្នុងខេត្តពោធិ៍សាត់

ខណៈអាជ្ញាធរមានសមត្ថកិច្ច នៃរាជរដ្ឋាភិបាល ប្រទេសកម្ពុជា មមាញឹកនឹងលាងសម្អាតមុខមាត់រឿង របរឆបោកបញ្ឆោតពាសពេញរាជាណាចក្រ មិនទាន់ជ្រះ ស្រួលបួលផង អ្នកស្រាវជ្រាវរកឃើញរឿងបំផ្លាញព្រៃឈើក៏ចាប់ផ្តើមរើឡើងវិញតាមតំបន់ខ្លះដែរ។ ដើមខែកញ្ញានេះ សារព័ត៌មានផ្តោតលើបរិស្ថាននិងធនធានធម្មជាតិ ម៉ុងហ្គាបេ (Mongabay) បានផ្សាយសេចក្តីរាយការណ៍ស៊ើបអង្កេតមួយ អំពីសកម្មភាពកាប់ព្រៃយកឈើហ៊ុបក្នុងឱទ្យានជាតិភ្នំក្រវាញយ៉ាងត្រងោល ដើម្បីវាតទីស្ថាបនាអាងទឹកទំនប់វារីអគ្គិសនីទំហំថាមពល ៧០មេហ្គាវ៉ាត់ ដែលយកប្រភពទឹកពីស្ទឹងឫស្សីជ្រុំកណ្តាល ភ្ជាប់ខេត្ត